Tuklasin ang Lungsod sa Mile-High: 10 Kilalang Pasyalan ng mga Turista sa Denver!

Ang Denver, na nasa gitna ng Colorado, ay isang makulay na destinasyon ng mga turista na kilala bilang "Mile-High City." Ang palayaw na ito ay dahil sa kahanga-hangang taas nito—nasa humigit-kumulang isang milya mula sa ibabaw ng dagat at napapaligiran ng nakakamangha ang kagandahan ng Rocky Mountains. Sikat ang lungsod bilang sentro para sa mga bisitang naghahanap ng mga panlabas na aktibidad tulad ng skiing at hiking. Narito ang isang listahan ng mga pangunahing pasyalan sa Denver na madaling puntahan mula sa kabayanan!

1. Denver Botanic Gardens

Isa sa mga nangungunang destinasyon sa Denver, ang Denver Botanic Gardens ay may lawak na 24 ektarya at nagtatampok ng 18 natatanging “Gardens of the West,” na nagpapakita ng mga halaman na madaling lumago sa klima ng Colorado na may samu't saring kulay at tekstura. Huwag palampasin ang mga harding inspirasyon ng iba’t ibang kultura mula sa buong mundo. Kabilang dito ang Japanese garden na may bonsai at mga seremonyang pang-tsaa, ang exotic na South African garden na mayaman sa flora, at ang payapang water garden na puno ng lotus at iba pang aquatic plants. Nasisiyahan din ang mga bisita sa gift shop na nagbebenta ng mga souvenir na may temang bulaklak, at sa restaurant na may mga sariwa at lokal na sourced na gulay sa kanilang mga menu. Ang mga hardin ay kilala rin sa kanilang mga espesyal na kaganapan tulad ng artistic light shows, mga exhibit ng sining, at mga display ng halaman, kaya't paboritong lugar ito para sa mga kasalan at kaarawan. Huwag din kalimutang bisitahin ang kalapit na "Chatfield Farms," isang sakahan ng Denver Botanic Gardens na nag-aalok ng butterfly house, cornfield maze, at lavender garden, na nagbibigay ng kasiyahan anumang oras ng taon. Matatagpuan ito sa Littleton, ilang minutong biyahe mula sa Denver.

2. Denver Museum of Nature & Science

Sa loob ng City Park, matatagpuan ang Denver Museum of Nature & Science na nag-aalok ng malawak na hanay ng mga exhibit, mula sa mga fossil ng dinosaur at taxidermy ng mga hayop na mula sa Colorado, hanggang sa mga exhibit ng paggalugad sa kalawakan at isang planetarium. Ang IMAX theater ay sikat, nagtatampok ng mga pelikula na nagbabago kada taon. Kabilang sa mga highlight ang mga 3D documentaries tungkol sa wildlife ng Africa, mga mummy ng Pharaohs, at mga kamangha-manghang footage ng Earth mula sa kalawakan, at 3D tour ng mga pambansang parke ng Amerika. May mga interactive exhibits din tulad ng eksperimento na maaari mong galawin ang bola gamit ang iyong brainwaves, at mga lugar para sa paggawa ng crafts. Kapag nagutom ka, may mga pagpipilian sa dining area mula muffins, pizza, sopas, hanggang kape. Sa Sky Terrace, makakakuha ka ng mga kamangha-manghang tanawin ng Denver at ng Rocky Mountains! Isa itong paboritong lugar ng mga turista na pwede mong gugulin ang buong araw sa pag-enjoy sa mga tanawin at karanasan.

3. Denver Zoo

Katabi ng Denver Museum of Nature & Science sa loob ng City Park, makikita ang malawak na 80-acre na Denver Zoo. Dito, makakakita ang mga bisita ng maraming uri ng mga hayop, mula sa mga mammal at reptile hanggang sa mga penguin at tropical fish, na perpekto para sa mga mahilig sa hayop at pamilya. Isa sa mga pangunahing atraksyon ay ang Predator Ridge, tahanan ng mga leon, leopardo, at mga African wild dogs. Ang exhibit na ito ay kilala sa disenyo at maingat na pag-aalaga sa mga hayop, na nagbibigay-daan sa kanila na nag palipat-lipat sa iba’t ibang habitat para sa mas kapanapanabik na karanasan. Isa pang malaking event ay ang "Zoo Lights," na ginaganap tuwing Disyembre. Sa panahon nito, ang zoo ay nagiging maliwanag na wonderland na may mga parol at mga ilaw na hugis-hayop, at maaari ring makita ang mga hayop na aktibo sa gabi. Mainam na bumisita sa panahong ito.

4. Denver Art Museum

Ang Denver Art Museum, na matatagpuan malapit sa downtown, ay isang dapat bisitahin na lugar kapag bumisita ka sa Denver. Kahit ang mga mahilig sa arkitektura ay tiyak na magugustuhan ang modernong gusali na idinisenyo ni Daniel Libeskind. Ang museo ay kilala lalo na sa koleksyon nito ng sining ng mga katutubong Amerikano. Maaari ka ring makakita ng mahigit 60,000 iba't ibang uri ng sining, mula sa mga pagpipinta at iskultura hanggang sa mga muwebles, dekoratibong sining, disenyo ng produkto, at mga graphic, mula sa klasikal hanggang sa makabagong sining mula sa buong mundo.

Noong nakaraan, tampok sa museo ang mga pansamantalang eksibit gaya ng mga disenyo ng fashion mula sa dekada '80 at '90 ng mga Japanese designer na nag-rebolusyon sa Paris, at mahigit 70 orihinal na kasuotang ginamit sa mga sikat na pelikula ng "Star Wars." Maaari kang mag-expect ng mga nakakaakit na eksibit kahit kailan ka bumisita.

Mayroon ding tindahan ng mga alahas at mga produktong gawa sa salamin, pati na rin ang tindahan para sa mga bata na nagbebenta ng mga set ng aktibidad sa sining at mga laro. Ang pagpasok ay libre para sa mga nasa edad 18 pababa, at sa unang Sabado ng bawat buwan, libre ang pagpasok para sa lahat. Siguraduhing bisitahin ang marangya at walang katapusang kahali-halina na museong ito.

5. Larimer Square

Isa sa mga pinakasikat na destinasyon ng mga turista para sa pagkain at pamimili ng mga pasalubong sa Denver ay ang Larimer Square. Matatagpuan ito sa isang 100 metrong haba ng kalye sa pagitan ng Larimer Street, 14th Street, at 15th Street.

Ang plasa na ito ay proyekto ni Dana Crawford, isang kilalang aktibista sa Denver, na layuning ibalik ang itsura ng bayan noong 1858. Napapaligiran ito ng mga disenyong Victorian na gusali na punong-puno ng mga tindahan, cafe, at bookstore. Marami ring mga tao na masayang kumakain at nag-uusap sa mga restawran na may terasa. Kahit sa gabi, buhay ang lugar at ligtas para sa mga turista na maglibot at mamili.

Dito, makakahanap ka ng mga tindahan na nagbebenta ng mga produktong gawa ng mga disenyador ng Colorado, pati na rin ang mga tindahan para sa mga laruan at gamit ng aso, at mga tindahan ng panloob na kagamitan at art prints na may iba't ibang tema. Meron ding wine bar at isang comedy club na tinatawag na "Comedy Works." Kapag Disyembre, nabubuhay ang mga kalye sa mga pana-panahong kaganapan tulad ng mga palabas ni Santa Claus, magic shows, at mga fashion shows. Mas magiging masaya ang iyong pagbisita kung itsek mo ang iskedyul ng mga kaganapan bago magpunta.

6. Downtown Aquarium

Ang Downtown Aquarium, na matatagpuan malapit sa South Platte River na dumadaloy sa kabayanan ng Denver, ay isang tanyag na atraksyon kung saan makikita ang iba't ibang uri ng isda mula sa Hilagang Amerika, pati na rin ang makukulay na palaka na naninirahan sa mga disyertong lugar na may mababang ulan bawat taon. Makikita mo rin dito ang mga nilalang dagat na nagtatago sa mga bato at kweba.

Isa sa mga pinakasikat na bahagi nito ay ang Mermaid Show, kung saan ang mga sirena ay lumalangoy kasama ang mga nilalang sa dagat at nagtuturo ng mga aral tungkol sa kalikasan at pangangalaga sa kapaligiran. Sa aquarium restaurant, maaari kang kumain habang napapaligiran ng isang malaking aquarium na puno ng makukulay na isda mula sa Karibe at Karagatang Indian. Tiyak na magugustuhan din ng mga bata ang 4D theater na nagpapalabas ng iba't ibang mga palabas bawat panahon. Bukod pa rito, may tunnel sa bulwagan ng eksibit na nagbibigay-daan sa mga bisita na makita ang mga tangke mula sa iba’t ibang anggulo, na isang kakaibang karanasan.

7. Elitch Gardens

Katapat ng ilog mula sa Downtown Aquarium ay ang isa sa mga pangunahing atraksyon ng Denver, ang Elitch Gardens. Pinagsama nito ang isang amusement park at water park, kaya't perpektong destinasyon ito lalo na tuwing tag-init—huwag kalimutan na dalhin ang iyong pang langoy para masulit ang buong araw ng kasiyahan! Mayroon itong mahigit 10 thrill rides, kasama na ang mga roller coaster. Para sa mga pamilya na may kasamang bata, mayroon ding mahigit 20 mga atraksyon tulad ng mas mabagal na mga roller coaster at isang merry-go-round. Sa water park, makikita ang halos 10 mga atraksyon kasama na ang iba't ibang water slides na may iba't ibang haba at bilis, pati na ang isang wave pool.

Marami ring pagpipilian sa pagkain, mula sa mga stall na nagbebenta ng ice cream at beer, hanggang sa mga food court kung saan maaari kang mag-enjoy ng masarap na pagkain. Puno ng buhay ang parke dahil sa mga konsyerto, palabas, at mga espesyal na kaganapan na ginaganap sa iba't ibang araw.

8. Cherry Creek Trail

Ang Cherry Creek Trail ay isang halos 40-kilometrong daanan na sumusunod sa Cherry Creek mula sa Confluence Park na matatagpuan sa hilagang-kanluran ng kabayanan, dumadaan sa lungsod at patungong timog-silangan, hanggang makarating sa Cottonwood. Kung mahilig ka sa pagbibisikleta, pwede kang magrenta ng bisikleta sa mga rental shop ng Denver! Makikita sa kahabaan ng Cherry Creek ang iba't ibang mga parke. Dadaan ka rin sa mga kilalang lugar tulad ng University of Denver, Performing Arts Center, at Convention Center. Sa Sculpture Park, masisiyahan ka sa iba't ibang eskultura habang naglalakad. Sa kabayanan, makikita mo ang pang-araw-araw na eksena ng mga taong nagpapahinga o nagbibisikleta sa pagitan ng mga matataas na gusali. Dahil dadaan ang trail sa mga pamilihan, maaari ka ring tumigil upang bumili ng mga pasalubong. Kung tatawid ka patungo sa Cherry Creek Reservoir, ang trail ay magdadala sa iyo sa kalikasan, na nag-aalok ng mas tahimik at natural na tanawin kumpara sa syudad. Isang napakagandang paraan ito para tuklasin ang iba't ibang atraksyon ng Denver sa pamamagitan ng paglakad o pagbibisikleta.

9. Cathedral Basilica of the Immaculate Conception (Denver Cathedral)

Matapos bisitahin ang Denver Art Museum, pwede kang maglakad patungo sa Colorado State Capitol at sundan ang West Colfax Avenue papuntang Denver Cathedral, isang sikat na destinasyon para sa mga mahilig sa arkitektura. Ang mga tampok nito ay ang maganda nitong gusali at mga stained glass na bintana. Ang gusali, na inspirasyon ng French Gothic architecture, ay may panlabas na gawa sa Indiana limestone at Colorado marble para sa loob. Ang Italian Carrara marble naman ang ginamit sa altar, mga estatwa, at pulpito. Mayroong 75 stained-glass windows ang katedral, isa sa pinakamalaking koleksyon sa U.S. churches, at itinuturing na de-kalidad. Ang mga bintana ay ginawa ni Zettler, isang master stained-glass maker mula sa Munich's Royal Bavarian Art Institute, na kilala sa kanyang mga makulay na gawa. Ang kamangha-manghang stained-glass windows ng katedral, na nagkakahalaga ng $34,000, ay dapat makita sa Denver.

10. Forney Museum of Transportation

Matatagpuan sa hilagang bahagi ng kabayanan ang kilalang Forney Museum of Transportation, isang museo na nagtatampok ng higit sa 600 makasaysayang at bihirang uri ng mga sasakyan. Kasama sa mga koleksyon nito ang mga karwahe, motorsiklo, steam locomotives, at mga eroplano.

Ang ilan sa mga pinakatampok na eksibit ay ang 1888 Denver Cable Car at ang 1923 Case Steam Tractor. Kasama rin sa mga kahanga-hangang sasakyan ang "Hispano Suiza," isang eleganteng kotse na may anim na gulong, isang marangyang Rolls-Royce na kulay ginto, at ang makisig na puting "Detroit Electric."

Kung hindi ka gaanong pamilyar sa mga sasakyan, inirerekomendang sumama sa isang guided tour. Ang mga empleyado ay magbibigay ng masusing paliwanag tungkol sa kasaysayan ng museo at mga koleksyon nito. Regular din silang nagsasagawa ng mga espesyal na eksibisyon na nagpapakita ng mga bihirang sasakyan. Isa itong perpektong destinasyon para sa mga mahilig sa kotse at mga antigong bagay.

◎ Buod

Punong-puno ang Denver ng mga atraksyong panturista. Sa dami ng mga tanyag na pook sa loob at paligid ng kabayanan, maaaring maging abala ka sa mga aktibidad ng higit pa sa isang linggo. Ang mga kilalang lugar ay kinabibilangan ng Clyfford Still Museum at History Colorado Center, na parehong malapit sa Denver Art Museum. Huwag kalimutan na magpakuha ng litrato kasama ang sikat na "Giant Blue Bear" sa convention center!

• FB
• Twitter

Inirerekomenda para sa Iyo!

Ano ang Sand Amulet ng Hinomisaki Shrine? Mga Lugar na Puno ng Enerhiya at Mga Natatanging Tanawin sa Izumo

Matatagpuan sa kanlurang bahagi ng Shimane Peninsula, ang Hinomisaki Shrine ay kahanga-hangang nakapwesto sa harap ng magagandang tanawin ng...

20 views

Mga Hindi Mo Pwedeng Palampasin! Mga Pasalubong Mula sa San Francisco na Dapat Mong Iuwi!

Isa ang San Francisco sa mga pinakapopular na destinasyon sa Estados Unidos, palaging kabilang sa nangungunang lima pagdating sa turismo. Mu...

18 views

Ang Maldives ay Hindi Lang Tungkol sa Mga Beach! Tuklasin ang 10 Dapat Bisitahing Lugar sa Maldives

Ang Maldives, isang resort destination sa Asya na gustong marating ng lahat kahit isang beses. Binubuo ng higit sa 1,000 mga isla ng coral r...

16 views

Mag-enjoy ng pamamasyal sa Tenryukyo! 15 na inirekomendang lugar upang maranasan ang kalikasan at tradisyunal na kultura

Dumadaloy ang Ilog Tenryu mula sa Prepektura ng Nagano, dumaraan sa Aichi at Shizuoka bago makarating sa Karagatang Pasipiko. Sa maraming ma...

9 views

7 Mga Dapat Bisitahing Lugar sa Asamushi Onsen, Aomori!

Ang Asamushi Onsen ay isang makasaysayang hot spring at isa sa mga sikat na destinasyon ng turista sa Aomori, Japan. Maaaring mag-relaks ang...

15 views