5 na Turistikong Destinasyon sa Gaborone | Tuklasin ang Isa sa Pinaka-Modernong Lungsod ng Africa!

Ang Gaborone, ang kabisera ng Botswana, ay kilala bilang isa sa pinaka-modernong lungsod sa Africa. Matatagpuan dito ang Game City, isang malawak na shopping mall sa labas ng lungsod na may mga restoran at sinehan—isang paboritong destinasyon ng mga pamilya at magkasintahan tuwing katapusan ng linggo. Sa hilagang-kanluran ng sentro ng lungsod, makikita ang isang lumalagong distrito ng komersyo na pinupuno ng matataas na gusali, na sumasalamin sa mabilis na pag-unlad ng Gaborone.

Ngunit hindi lang modernidad ang maiaalok ng Gaborone. Dito, maaari mong tuklasin ang mayamang kasaysayan ng Botswana sa mga museo, makisalamuha sa buhay-ilang sa mga protektadong santuwaryo, at maranasan ang kultura ng mga katutubong pamayanan. Punong-puno ng kakaibang karanasan ang lungsod na ito! Narito ang limang pinakamagandang pasyalan sa Gaborone na hindi mo dapat palampasin.

1. National Museum & Art Gallery

Itinatag noong 1967, ang National Museum & Art Gallery sa Gaborone ay isang mahalagang sentro ng kultura na kinabibilangan ng National Gallery, National Library, at isang waluhang-gilid na exhibition space. Dito matatagpuan ang malawak na koleksyon ng mga tradisyonal na likhang-kamay ng Botswana, makabagong sining mula sa Africa at Europa, at mga eksibit na nagpapakita ng kasaysayan, kultura, at tradisyon ng Botswana. Makikita rin dito ang mga modelo ng tradisyonal na bahay at mga detalyadong impormasyon tungkol sa pamumuhay ng mga taga-Botswana noon at ngayon.

Isa rin itong sentro ng pag panunumbalik ng interes sa kulturang pamana ng Botswana, kung saan tampok ang mga likha ng lokal na artists at ginaganap ang mga patimpalak sa sining para sa mga bata. Mula sa tradisyunal na sining hanggang sa modernong obra ng Botswana, masusulyapan dito ang paglalakbay ng bansa sa sining at kultura. Kung bibisita ka sa Gaborone, huwag palampasin ang pagpunta rito bilang panimula ng iyong paglalakbay!

2. Gaborone Game Reserve

Matatagpuan sa labas ng Gaborone, ang Gaborone Game Reserve ay may lawak na humigit-kumulang 500 kilometro kwadrado, kaya isa ito sa mga pinakapinupuntahang natural na protektadong lugar sa Botswana. Sikat ito sa parehong lokal at dayuhang turista, kung saan maaaring makita ang mga rhinoceros, impala, ostrich, zebra, at ang eland—ang pinakamalaking species ng antilope sa Africa.

Isa rin itong sikat na destinasyon para sa mga birdwatchers, dahil sa iba’t ibang natural na kapaligiran na nagsisilbing tahanan ng maraming uri ng ibon, tulad ng snake eagle at ang matingkad na African purple gallinule na matatagpuan sa mga latian. Mayroon ding mga itinakdang obserbasyon na lugar malapit sa mga tubigang inuman ng mga hayop, kaya’t tiyak na mararamdaman mo ang likas na kagandahan ng Botswana. Kung bibisita ka sa Gaborone, huwag kalimutang isama ito sa iyong itineraryo upang maranasan ang tunay na kalikasan ng Africa!

3. Mokolodi Nature Reserve

Matatagpuan humigit-kumulang 15 km sa timog-kanluran ng Gaborone, ang Mokolodi Nature Reserve ay isang kahanga-hangang destinasyon para sa mga mahilig sa wildlife. Dito, maaari mong makita ang iba't ibang malalaking hayop tulad ng puting rhino, cheetah, giraffe, zebra, at elepante. Kasama rin sa natural na ekosistema ng parke ang mga katutubong hayop tulad ng impala, hyena, at leopardo, na nag-aalok ng pambihirang karanasan sa kalikasan malapit lamang sa lungsod.

Isa sa mga pinaka pambihirang aktibidad dito ay ang Walking Safari, kung saan maaari kang maglakad kasama ang mga elepante sa kanilang natural na tirahan. Habang naglalakad, maaari ka ring makakita ng iba pang hayop sa parke, na tiyak na magiging isang hindi malilimutang karanasan. Maaari ring sumali sa isang guided tour kung saan sinusundan ang mga yapak ng mga puting rhino at giraffe para sa mas malalim na koneksyon sa wildlife.

Para naman sa mahilig sa pakikipagsapalaran, subukan ang Night Drive, kung saan makakakita ka ng mga bihirang nocturnal animals tulad ng ligaw na pusa at porcupine sa ilalim ng maliwanag na bituin ng kalangitan. Bukod sa wildlife experience, mayroong mga akomodasyon, restoran, at picnic areas sa loob ng parke, kaya’t mainam na mag-overnight stay upang mas ganap mong maranasan ang likas na ganda ng Gaborone.

4. Manyana Rock Paintings

Matatagpuan humigit-kumulang isang oras na biyahe mula sa Gaborone, ang Manyana Rock Paintings ay isang natatanging atraksyong pangkasaysayan na nagtatampok ng sinaunang sining sa bato na may edad na mahigit 2,000 taon. Makikita rito ang mga guhit ng giraffe, tao, at oryx, na ipininta ng sinaunang San people, na nagpapakita ng kanilang kaugalian at kultura noong unang panahon.

Bagama't walang tiyak na paliwanag kung bakit ipininta ang mga ito, sinasabi ng mga eksperto na maaaring likha ito ng mga shaman habang nasa isang espirituwal na estado, bilang bahagi ng kanilang ritwal. Isa pang teorya ang nagsasabing ito ay isang banal na lugar kung saan nagtitipon-tipon ang mga tao para sa relihiyosong seremonya. Ngayon, maaari mong tuklasin ang kasaysayang ito sa pamamagitan ng isang guided tour, kung saan ipapaliwanag ng mga eksperto ang kahalagahan ng mga sinaunang guhit, na nagbibigay-daan sa iyo upang balikan ang nakaraan ng Botswana.

5. Bahurutshe Cultural Village

Matatagpuan malapit sa Manyana Rock Paintings, ang Bahurutshe Cultural Village ay isang natatanging pamana ng kultura na itinatag ng mga kababaihan sa nayon upang mapanatili at ipasa ang mga tradisyunal na kaugalian sa susunod na henerasyon. Sa pagdating mo, sasalubungin ka ng masiglang tradisyunal na sayaw at awitin. Pagkatapos nito, dadalhin ka sa liwasan ng nayon kung saan ang "Khosi" (pinuno ng nayon) ay magpapakilala ng kanilang kasaysayan at kultura sa pamamagitan ng live na demonstrasyon.

Isa sa mga tampok na aktibidad ay ang reenactment ng isang tradisyunal na kasal, kung saan ang masigasig na pagganap ng mga taga-nayon ay nagbibigay ng isang makatotohanang karanasan. Bukod dito, maaari kang sumali sa iba't ibang aktibidad tulad ng pagpipinta ng dingding ng bahay, paggiling ng mais (pangunahing pagkain ng lugar), at pagtikim ng mga tradisyunal na lutuin. Ito ay isang hindi malilimutang paraan upang maranasan ang mayamang kultura ng Botswana. Sa pamamagitan ng pakikisalamuha sa mga taga-nayon, mas mauunawaan mo ang kanilang tradisyon at pamumuhay.

◎ Buod

Bagaman mabilis ang pag-unlad ng Gaborone, nananatili itong napapalibutan ng kalikasan at tahanan ng iba't ibang uri ng buhay-ilang. Higit pa rito, ito ay isang perpektong lugar upang tuklasin ang mahigit 2,000 taong kasaysayan ng Botswana at maranasan mismo ang kanilang tradisyunal na kultura.

Kung bibisita ka sa Botswana o South Africa, huwag palampasin ang Gaborone para sa isang kakaibang kultural at kasaysayan na karanasan!

• FB
• Twitter

Inirerekomenda para sa Iyo!

4 na Makapangyarihan at Himalaang Lugar na Dapat Bisitahin sa Fukushima!

Tuklasin ang sinaunang espirituwal na enerhiya ng Fukushima, kung saan ang mga pinarangalan na templo at santuwaryo ay iginagalang sa loob n...

125 views

Magagandang tanawin sa gabi ng Prepektura ng Kumamoto, ang Lupain ng Apoy, makikita rito! 6 na sikat na tanawin sa gabi!

Ang Lupain ng Apoy, Kumamoto, ay matatagpuan sa gitna ng Kyushu at kilala rin sa pinakamalaking caldera sa mundo, ang Bundok Aso. Bukod dito...

76 views

Mga Inirerekomendang Pasyalan sa Ginzan Onsen, Lalawigan ng Yamagata

Ang Ginzan Onsen ay isang tanyag na destinasyon ng hot spring na matatagpuan sa hilagang-silangang bahagi ng Lalawigan ng Yamagata, sa Lungs...

91 views

5 Sikat na Lugar sa Kyoto na Sinasabing Nagdadala ng Swerte sa Pera. Alamin natin kung Gaano nga ba sila Kaepektibo!

Ang Kyoto ay isang lugar na puno ng mga lugar na sinasabing nagpapalakas ng suwerte, lalo na sa pera. Maaari mong madagdagan ang iyong yaman...

162 views

8 Mga Kailangang Bisitahing Tanyag na Tourist Spot sa Mihara City, Hiroshima Prefecture

Ang Mihara City, na matatagpuan sa timog na bahagi ng Hiroshima Prefecture, ay isang bayan na may banayad na klima. Kilala bilang isang cast...

59 views