>
>
>
Sariwa at De-Kalidad! 4 na Pinakamahusay na Restawran ng Pagkaing-Dagat sa Timog ng Istasyon ng Kaohsiung

Sariwa at De-Kalidad! 4 na Pinakamahusay na Restawran ng Pagkaing-Dagat sa Timog ng Istasyon ng Kaohsiung

Asya
2025.06.26
13 views

Bilang isang pantalang bayan, ang Kaohsiung ay isa sa mga pinakamagandang destinasyon para sa pagkaing-dagat sa Taiwan. Dito mo matitikman ang sariwang isda, malalaking hipon at alimango, pati na rin ang matatamis at malalaking uni (sea urchin)!

Sa gabay na ito, ipinapakilala namin ang 4 pinakamahusay na restawran ng pagkaing-dagat sa mataong timog na bahagi ng Istasyon ng Kaohsiung, kung saan makakakain ka ng masarap at walang alalahanin.

Mula sa mamahaling na kainan na paborito ng VIPs hanggang sa mga lokal na restawran kung saan mo mararanasan ang tunay na pagkaing Taiwanese, nandito ang lahat ng kailangan mo! Dagdag pa, inilista rin namin kung paano mag-order.

Itago ang Talaan ng Nilalaman

Sariwa at De-Kalidad! 4 na Pinakamahusay na Restawran ng Pagkaing-Dagat sa Timog ng Istasyon ng Kaohsiung

1. Sea Prince Restaurant

Ang Sea Prince Restaurant ay isa sa mga pinakasikat na kainan sa Kaohsiung, dinarayo hindi lamang ng mga turista kundi pati ng mga lokal. Kilala ito sa kanilang sobrang sariwang pagkaing dagat na direktang galing sa Penghu Bay, isa sa mga pinakamagandang lugar ng mga akomodasyon sa Taiwan. Bagama’t isa ito sa mas mataas na klase ng mga kainan sa timog ng Istasyon ng Kaohsiung, marami ang pumupuri sa abot-kayang presyo nito. Gayunpaman, dahil naka-depende sa presyo ng palengke/pamilihan ang pagkaing-dagat, mabuting itanong muna ang presyo bago umorder. Mayroon ding menu na nasa Wikang Ingles, kaya’t mas madali para sa mga dayuhang bisita.

Masikip at matao ang restawran tuwing gabi, kaya kung gusto mo ng mas tahimik at relaks na kainan, mas mainam na pumunta sa tanghalian.

Kung gagamit ng Kaohsiung MRT, ang pinakamalapit na istasyon ay City Council Station. Gayunpaman, mula sa Istasyon ng Kaohsiung, kinakailangan lumipat ng tren sa Istasyon ng Formosa Boulevard mula Red Line papuntang Orange Line. Kung gusto mo ng mas madaling biyahe, mas maayos sumakay ng taxi. Maaari ring mag-renta ng bisikleta, na karaniwan sa Kaohsiung, para sa mas masayang karanasan. Malapit ito sa Liuhe Night Market, kaya maaari mong isama ang Sea Prince Restaurant sa iyong itineraryo habang iniikot ang bahaging timog ng Istasyon ng Kaohsiung.

Pangalan: Sea Prince Restaurant
Lokasyon: No. 161, Zhonghua 3rd Rd., Distrito ng Qianjin, Kaohsiung, Taiwan
Opisyal na Website: http://www.i-pretty.com.tw/sea-prince/index.htm

2. Haiwei Penghu Affordable Fresh Seafood

Matatagpuan sa timog ng Istasyon ng Kaohsiung, ang Haiwei Penghu Affordable Fresh Seafood ay isang sikat na abot-kayang kainan ng pagkaing-dagat na may preskong mga sangkap at masarap na putahe. Kilala ito sa relaks na atmospera at madalas pinupuntahan ng mga lokal dahil sa sariwang pagkaing-dagat at sulit na presyo.

Sa halip na isang regular na menu, pipili ka ng mga sariwang seafood mula sa display case at ipapa-luto mo ayon sa gusto mo—pinasingaw (steamed), ginisa (stir-fried), o ginawang sabaw (soup). May ilang empleyado na marunong ng mag-ingles o sulat-kamay na termino tulad ng "steamed," "fried," o "soup," ay maiintindihan nila.

Huwag palampasin ang kanilang sikat na uni (sea urchin) fried rice, isang putaheng siguradong tatatak sa panlasa mo! Ang restawran na ito ay inirerekomenda sa mahihilig sa pagkain na naglilibot sa timog ng Istasyon ng Kaohsiung.

Para sa pamamasyal, ang pinakamalapit na istasyon ay ang Istasyon ng Formosa Boulevard, na kilala sa kanyang world-famous stained glass artwork at isa sa pinakamagandang subway station sa mundo. Mula Istasyon ng Kaohsiung, 1 minutong MRT ride lang ito, at mula Istasyon ng Formosa Boulevard, 10 minutong lakad papunta sa restaurant.

Pangalan: Haiwei Penghu Affordable Fresh Seafood
Lokasyon: No. 214, Minsheng 1st Road, Distrito ng Xinxing, Kaohsiung, Taiwan

3. Haitianxia Seafood Restaurant

Isa sa mga pinakamagandang restawran ng mga pagkaing-dagat sa Kaohsiung, ang Haitianxia Seafood Restaurant ay sikat sa mga VIP sa Taiwan. Kilala ito sa eleganteng lasa at mataas na kalidad ng sangkap, na hinahanda gamit ang ekspertong pamamaraan upang mailabas ang natural na sarap ng seafood.

Ilan sa mga dapat subukan ay ang nilagang alimango na may miso, bundok yam na may sea urchin, piniritong kibinago (silver-stripe round herring), at mga sopas at ginisang pagkain na may seaweed. Maraming emplayado ang nakakapagsalita ng wikang Ingles kaya’t madaling umorder para sa mga dayuhang bisita.

Matatagpuan ang restaurant 4 minutong biyahe (2 istasyon) mula Istasyon ng Kaohsiung papunta sa Istasyon ng Central Park, at mula doon, 500 metro lang ang layo. Bahagyang timog nito ang Sando Shopping District, kaya’t perpektong lugar ito para sa isang de-kalidad na kainan pagkatapos mamili.

Pangalan: Haitianxia Seafood Restaurant
Lokasyon: No. 188, Linsen 2nd Road, Distrito ng Xinxing, Kaohsiung, Taiwan
Opisyal na Pahina: https://ja-jp.facebook.com/pages/%E6%B5%B7%E5%A4%A9%E4%B8%8B%E6%B5%B7%E7%94%A2%E9%A4%90%E5%BB%B3/104752976268003

4. Hongmaogang Seafood Restaurant

Ang Hongmaogang Seafood Restaurant ay isa sa pinakasikat na restawran sa Kaohsiung, na madalas lumalabas sa mga guidebook at tinatangkilik ng maraming turista. May kakaibang sistema ito ng pag-order kung saan pinipili ng mga bisita ang kanilang pagkain gamit ang mga card na may larawan ng mga putahe sa mesa, kaya napakadaling umorder kahit para sa unang beses na kumakain dito. Maraming empleyado ang nakakapagsalita ng Ingles at nagbibigay ng rekomendasyon sa menu, gaya ng pagbabawas ng laki ng serving para sa mas konting tao o pagpapalit ng ilang bahagi ng set meals, kaya ito ay isa sa pinaka magandang puntahan ng mga kustomer na kainan sa lungsod.

Ang espesyalidad ng restawran ay Penghu-style seafood cuisine, ngunit kilala rin ito sa sariwang sashimi na inihahain gamit ang banayad na soy sauce. Bagama’t ang kanilang set meals ang pinaka-inirerekomenda, malalaki ang serving nito kaya mas mainam na umorder ng à la carte kung hindi sanay sa malalaking pagkain. Huwag palampasin ang mga natatanging putahe tulad ng harisenbon (porcupinefish) at balunbalunan ng isdang mullet, na bihirang matatagpuan sa ibang mga lugar.

Matatagpuan ang restawran tatlong istasyon lamang mula sa Istasyon ng Kaohsiung (mga 5 minutong biyahe) at 400 metro ang layo mula sa Sanduo Shopping District MRT Station (三多商圏駅). Nasa kahabaan ito ng Sanduo 3rd Road, isa sa pinaka-modernong at masiglang kalsada sa southern Kaohsiung, kaya ito ay isang destinasyong dapat subukan ng mga mahilig sa pagkaing-dagat.

Pangalan ng Restawran: Hongmaogang Seafood Restaurant
Lokasyon: No. 214, Sanduo 3rd Road, Distrito ng Xinxing, Kaohsiung, Taiwan
Opisyal na Website: http://seafoodnet.com.tw/

◎ Buod

Ipinakilala na namin ang ilan sa mga pinakasikat restawran ng pagkaing-dagat sa timog ng Istasyon ng Kaohsiung—ano sa tingin mo? Ang bawat isa sa kanila ay kilala sa husay sa pagpapalabas ng pinakamahusay na lasa ng sariwang lamang-dagat, kaya’t asahan ang mga putahe na talagang tatatak sa panlasa mo. Sa dami ng pagpipiliang pagkain, baka mapadalas ang pagbisita mo rito!

Maliban sa Hai Wei Penghu Affordable Fresh Seafood, karamihan sa mga restawran na ito ay madalas puno ng mga grupong bisita, kaya't mas mainam na magpareserba muna bago pumunta para sa isang mas maginhawang kainan.

Inirerekomenda para sa Iyo!

Asya Mga inirerekomendang artikulo

Asya Mga inirerekomendang artikulo