Masaya Kahit Maulan! 6 na Inirerekomendang Pasyalan sa Wakayama

Kapag binanggit ang mga kilalang pasyalan sa Wakayama Prefecture, agad mong maiisip ang mga destinasyon tulad ng sikat na Shirarahama Beach na kilala sa maganda nitong baybayin, mga makasaysayang templo, at maraming theme park at pasilidad para sa libangan. Ngunit madalas, umaasa ang kasiyahan sa mga lugar na ito sa magandang panahon. Kapag umuulan, baka kailanganing baguhin ang iyong mga plano. Kaya naman, narito ang anim na lugar na siguradong ma-eenjoy mo kahit na umuulan!

1. Stella Maris, Bahagyang Lumulubog na Bangka para sa Paglilibot

Ang Stella Maris, na umaalis mula sa Kushimoto Marine Park, ay isang kakaibang uri ng bangkang panturista—isang semi-submersible vessel. Hindi ito tulad ng isang submarine na tuluyang lumulubog sa ilalim ng tubig, at hindi rin ito karaniwang bangkang ginagamit sa paglilibot na madalas makita sa mga pasyalan.

Dinisenyo ang ibabang bahagi ng barko upang bahagyang ilubog, na nagbibigay-daan sa iyo na makita ang kagandahan ng ilalim ng dagat nang kumportable. Ang biyahe ay tumatagal ng halos 30 minuto, kung saan matatanaw mo ang malinis na tubig at kahanga-hangang coral reefs sa isang lugar na nakarehistro sa internasyonal na Ramsar Convention para sa proteksyon ng mga bihirang halaman at hayop.

Sa malalaking bintana ng barko, makakakita ka ng makukulay na coral reefs at isda sa ilalim ng dagat na parang ikaw ay nasa ilalim mismo ng tubig. At kung sinuswerte ka, maaaring masilayan mo rin ang isang pawikan! May 13 biyahe ang Stella Maris araw-araw sa 30-minutong pagitan, kaya't hindi mo kailangang magmadali.

2. Kakaibang Karanasan sa Pamilihan sa Kuroshio Market

Natatakot ka bang pumunta sa mga pamilihan dahil sa kanilang kakaibang kapaligiran? Subukan ang Kuroshio Market, na nasa loob ng Wakayama Marina City—isang lugar na hindi mo dapat palampasin!

Ang disenyo ng loob ay may retro na tema, gamit ang mga kahel na ilaw na nagbibigay ng nostalgic na pakiramdam na parang nasa tindahan ng kendi noong Showa era. Sa entrada, may tatlong beses na tuna cutting show araw-araw, kung saan hinihiwa ang sariwang tuna sa harap ng mga bisita. Maaari mo itong bilhin at tikman bilang sushi o rice bowl! Siguradong maaaliw ang mga bata sa panonood ng kahanga-hangang palabas na ito.

Bukod sa sariwang pagkaing-dagat, nag-aalok din ang pamilihan ng karne at gulay. Sa food court sa unang palapag, maraming pagpipilian tulad ng mga noodle dish, pritong pagkain, at isang barbecue restaurant. Ang "Hamayaki Barbecue" shop ay nag-aalok ng sari-saring sangkap, at ang terrace seating sa ikalawang palapag ay may magandang tanawin ng dagat—sikat ito lalo na sa tag-init kaya mas mabuting magpareserba.

Huwag kalimutan subukan ang mandarin orange soft serve, isang sikretong paborito! May mga seasonal event din gaya ng "all-you-can-eat snow crab," kaya’t suriin ang kanilang website para sa mga detalye. Hindi tulad ng karaniwang mga pamilihan na maagang nagbubukas, mas huli magbukas ang Kuroshio Market, mula 9 o 10 a.m. depende sa araw. Siguraduhing alamin ang tamang oras bago bumisita.

3. Eneran – Shirahama Energy Land

Ang Shirahama Energy Land, kilala rin bilang Eneran, ay isang interactive na theme park kung saan 90% ng mga atraksyon ay maaaring tangkilikin kahit pa umuulan.

Isa sa mga pinaka paboritong bahagi ay ang mga trick art exhibits na gumagamit ng perspektibo at optical illusions para makalikha ng nakakatuwang oportunidad para makapag pa litrato. Paborito ito ng mga matatanda at bata, kaya maraming bisita ang naglalaan ng oras para pagkuha ng litrato. Subukan ang pagiging malikhain sa iyong mga litrato at ibahagi ang mga ito sa social media!

May mga kakaibang atraksyon kang maaaring maranasan, tulad ng Parallel World, na mapapaisip sa iyong pandama, at ang Trick Maze, kung saan hindi lang makarating sa dulo ang layunin, kundi makolekta rin ang mga selyo. Kahit maulan, pwedeng manatiling aktibo sa Shirahama Energy Land, kaya’t siguraduhing magsuot ng komportableng sapatos. Malapit din ito sa Shirarahama Beach, kaya magandang alternatibo ito kung hindi maganda ang panahon para mag-beach.

Para sa mga panlabas na atraksyon tulad ng Footbath with Reflexology Path, ang ilang bahagi ay may bubong, kaya’t pwede pa rin itong ma-enjoy depende sa panahon. Tandaan lamang na sarado ang parke tuwing Martes.

4. Magsimula ng Pakikipagsapalaran sa Totsui Limestone Cave

Ang Totsui Limestone Cave ay nakakuha ng pansin dahil sa media coverage at positibong mga review, kaya’t dumadami ang mga bumibisita dito sa paglipas ng mga taon. Alam mo bang bukas pa lang ito para sa tours sa loob ng 28 taon.

Ang paglilibot ng kweba ay tumatagal lamang ng 15 minuto, ngunit ang mga paikot-ikot na daan nito ay siguradong magbibigay ng excitement at pakiramdam ng pakikipagsapalaran, lalo na kung kasama mo ang mga bata. Sa loob, palaging nasa 15°C ang temperatura, kaya’t ito ay isang natural na paraiso lalo na tuwing tag-init. Mas pinipilahan ito sa buwan ng Agosto, kaya magandang tandaan ito kung plano mong bumisita sa panahong iyon.

Ang entrance fee ay abot-kayang 200 yen para sa matatanda at 100 yen para sa mga bata, kaya’t pasok ito sa badyet ng mga pamilya. Isa rin itong kahanga-hangang lokasyon para sa mga proyekto ng mga bata tungkol sa kalikasan o kasaysayan.

5. Mag-aral at magsaya sa Seto Marine Biological Laboratory Aquarium ng Kyoto University Field Science Education Center

Dating bahagi ng Kyoto University bilang isang tank room, ang pasilidad na ito ay binuksan para sa publiko halos 80 taon na ang nakakaraan at naayos noong 2014.

Tampok dito ang mga hayop na likas sa Wakayama area, lalo na ang malawak nitong koleksyon ng mga hayop na walang gulugod o buto sa likod na kinikilala bilang isa sa pinakamagaganda sa buong Japan. Para sa mga mahilig sa kalikasan, tiyak na magugustuhan ang aquarium na ito, na itinatampok pa sa sikat na programang The World Unknown to Matsuko. Bagamat walang magarbong mga palabas tulad ng sa dolphin o sea lion, pinupuri ito ng mga bisita bilang isang "hidden gem" at isang karanasang lampas sa inaasahan.

Binibigyang halaga ng aquarium ang kaalaman sa pamamagitan ng malinaw at detalyadong mga paliwanag na talagang makakapukaw ng interes, isang katangiang bihira at maaasahan sa isang pasilidad na kaakibat ng unibersidad. Bukod dito, may kakaiba rin itong serbisyo na nagpapahiram ng mga sketching stool para sa mga nais gumuhit, na nagbibigay ng mas espesyal na karanasan.

Lubos na inirerekomenda ang aquarium na ito para sa mga nais makakita ng kakaibang mga eksibit at matuto nang higit pa tungkol sa mga organismo. Bukas ito buong taon, at ang abot-kayang entrance fee ay nagbibigay ng karagdagang dahilan para ito’y bisitahin.

6. Tuklasin ang Kakaibang Saya ng Indigo Dyeing Experience

Ang proseso ng pagkukulay gamit ng indigo ay gumagamit ng mga natural na sangkap mula sa mga halaman na naglalaman ng asul na pigment na tinatawag na "indigo." Isinasawsaw ang tela sa dye, pinipiga, at inilalantad sa hangin upang mabuo ang natatanging kulay nito. Sa halagang 2,300 yen bawat tao, maaari kang makagawa ng iyong obra sa loob lamang ng 1 hanggang 2 oras. Kamakailan, unti-unting nagiging paborito ito ng mga dayuhang turista.

Ang kakaibang ganda ng pagkukulay gamit ng indigo ay nasa likas nitong pagiging natatangi – walang dalawang disenyo ang magkapareho, salamat sa iba’t ibang teknik tulad ng pagtiklop, pagpiga, pag buhol ng tali, at uri ng tela. May opsyon din na dalhin ang sarili mong gamit upang gawing mas personal ang likha. Mula sa tapestries hanggang sa scarves at bandanas, ang paggawa ng mga ito kasama ang pamilya o kaibigan ay isang masayang karanasan na nagsisimula pa lang sa pagpili ng materyales. Kinakailangan ng reserbasyon, ngunit mayroong sesyon araw-araw. Subukan na ito at mag-enjoy!

◎ Buod

Ang mga kilalang destinasyon tulad ng mga dalampasigan at parke ng libangan ay madalas na pumupukaw ng ideya ng paglalakbay kapag maaraw ang panahon. Pero ang mga lugar na inirerekomenda dito ay maaaring bisitahin kahit anong panahon, maging maaraw man o maulan. Isa sa mga kasiyahan ng paglalakbay ang maingat na pagpaplano, kaya't mainam na maghanda ng dalawang iskedyul: isa para sa maaraw na araw at isa para sa maulan.

• FB
• Twitter

Inirerekomenda para sa Iyo!

Ito ang Hollywood! Saan ang Pinakamagandang Lugar para Makita ang Hollywood Sign? Gabay Ayon sa Antas ng Dali

Ang Hollywood Sign, isa sa pinakatanyag na landmark sa Los Angeles, California, ay matatagpuan sa Hollywood Hills. Kung mahilig ka sa Hollyw...

21 views

Mga kalye mula sa panahon ng kolonyal na Espanyol na nananatili sa Pilipinas! World Heritage Site na “Vigan Historical City”

Ang Luzon ang pinakamalaking pulo sa Pilipinas, pang-17 sa pinakamalaki sa buong mundo, at pang-4 sa may pinakamaraming populasyon sa mundo....

105 views

12 Dapat Bisitahing Pook-Turismo sa Shinjuku – Tuklasin ang Puso ng Tokyo

Ang Shinjuku, na may pinakamataas na bilang ng mga pasahero sa Japan, ay puno ng mga atraksyon kung saan ang urbanong kasiyahan ay nakakasal...

11 views

15 kaakit-akit na tourist spots sa Manchester, England: Ang lungsod ng musika at kultura

Ang Manchester ay isang lungsod na kamakailan lamang ay kinikilala bilang isang sentro ng musika, kultura, at sining. Ito rin ang tahanan ng...

31 views

Damahin ang hangin sa hilagang lupain! 4 inirerekomendang touring spot sa Tomakomai

Ang Hokkaido ay isang pangarap na destinasyon para sa mga rider. Ang pagsakay sa iyong minamahal na motorsiklo at paglalakbay sa sarili mong...

29 views