>
>
>
Hormone Street BBQ at Abalone Porridge: Mga dapat tikman na kainan sa Nampo-dong, South Korea

Hormone Street BBQ at Abalone Porridge: Mga dapat tikman na kainan sa Nampo-dong, South Korea

Asya
2025.08.27
20 views

Ang Nampo-dong ay isa sa mga pinakatanyag at masiglang distrito sa downtown ng Busan, South Korea, na paborito ng mga lokal at turista. Kilala ito sa mga abalang shopping street gaya ng International Market Street, at isa ring sikat na destinasyon para sa mga mahilig sa pagkain. Dito, maaari kang mag-enjoy sa iba’t ibang putahe—mula sa mga comfort food na mainam kainin sa almusal gaya ng hotpot, sundubu (soft tofu stew), at masustansyang lugaw, hanggang sa mga mabibigat na putahe tulad ng inihaw na bituka ng baka para sa mas busog na kainan. Sa gabay na ito, ipakikilala namin ang apat sa mga pinakasikat na kainan sa Nampo-dong na hindi mo dapat palampasin sa iyong pagbisita!

Itago ang Talaan ng Nilalaman

Hormone Street BBQ at Abalone Porridge: Mga dapat tikman na kainan sa Nampo-dong, South Korea

1. Kemijib

Ang unang restawran na ipakikilala namin ay ang Kemijib, isang sikat at paboritong kainan sa Nampo-dong, Busan. Kilala ito sa kanilang espesyalidad na Nakji Bokkeum—isang mainit na putahe ng pugita—na dinarayo ng mga lokal at turista. Ang mga pugita dito ay sariwang dinadala araw-araw mula sa Mokpo, na tanyag sa “live octopus” dishes. Ang sikreto ng sarap ng Kemijib ay ang pagsasama ng sariwang seafood at ang kanilang espesyal na sabaw na puno ng lasa. Maaaring magulat ka sa matingkad na pulang kulay ng sabaw, ngunit hindi ito kasing anghang ng inaakala. Kung kasama ang mga bata o hindi ka mahilig sa maaanghang, maaari kang humiling ng mas banayad na lasa. Itinampok sa iba’t ibang travel guidebooks, ang Kemijib ay isang dapat puntahan para sa sinumang food lover na bumibisita sa Nampo-dong.

Pangalan: Kemijib (개미집)
Lokasyon: 11-3 Donggwang-dong, Jung-gu, Busan, South Korea

2. Jeju House

Dahil malapit sa dagat ang Nampo-dong, sagana ito sa masasarap na pagkaing dagat. Isa sa mga tampok na kainan dito ang Jeju House, na kilala sa mga putahe ng abalone at sea urchin. Sa harap ng tindahan ay makikita ang aquarium na may mga buhay na abalone, patunay ng kanilang sariwang sangkap. Ang pangunahing dapat tikman ay ang Abalone Porridge, na ginagawa sa pamamagitan ng paggiling ng lamang-loob ng abalone bago pakuluan kasama ng bigas at sesame oil—simple ngunit napakasarap at puno ng umami. Isa pang paborito ay ang Sea Urchin Soup Set na hitik sa lasa ng dagat. Sa kabila ng dami ng sea urchin na ginagamit, nananatiling abot-kaya ang presyo. Magaan at masustansya, kaya mainam itong kainin sa almusal.

Pangalan: Jeju House (제주가)
Lokasyon: 5-22 Gwangbok-dong, Jung-gu, Busan, South Korea

3. Tolgore

Kung nais mong tikman ang masasarap na pagkaing Koreano, magtungo sa masiglang International Market sa Busan. Mula ng magbukas noong 1980, paboritong kainan na ang Tolgore ng mga turista sa Nampo-dong at ng mga nagtratrabaho sa palengke. Mula pa sa pagbubukas sa umaga, dagsa na ang mga tao para sa kanilang tanyag na putahe – Sundubu-jjigae (soft tofu stew).
Sikat ang Sundubu-jjigae ng Tolgore dahil sa pambihirang lasa nito sa abot-kayang presyo. Malambot at makinis ang tofu na sinabawan ng matagal na pinakuluang sabaw mula sa buto ng baka, na nagbibigay ng mainit at nakakaaliw na lasa. Paborito rin ng mga bisita ang kanilang kimchi na may maasim at preskong lasa, perpekto bilang pantanggal-umay sa malinamnam na stew. Dahil sa dami ng mga suki, nananatiling isa ang Tolgore sa mga pinaka-inirerekomendang kainan sa Nampo-dong.

Pangalan: Tolgore (돌고래)
Lokasyon: 12-3 Sinchangdong 2(i)-ga, Jung-gu, Busan, South Korea

4. Jagalchi Hormone Grilled Street (Yang Gopchang Street)

Ang Yang Gopchang Street ay paraiso para sa mga mahilig sa offal o lamang-loob. Matatagpuan sa Busan, kilala ito sa hanay ng mga kainan na nag-aalok ng masasarap na inihaw na lamang-loob sa abot-kayang halaga. Mula sa maliliit na tindahan hanggang sa malalaking kainan, tiyak na maraming pagpipilian para masiyahan ang iyong panlasa.

Magkakahawig ang lasa sa bawat tindahan, ngunit may dalawang pangunahing pagpipilian: salt-grilled na may matapang na lasa ng bawang o seasoned grilled na may espesyal na timpla ng pampalasa. Mayroon ding serbesa at soju sa karamihan ng mga kainan, kaya’t bagay na bagay ito para sa masayang salu-salo sa gabi.

Pangalan: Jagalchi Hormone Grilled Street (자갈치 양곱창 골목)
Lokasyon: 1 Nampodong 6(yuk)-ga, Jung-gu, Busan, South Korea

◎ Buod

Ipinakilala namin ang isa sa pinakasikat na gourmet spots sa Nampo-dong. Dito, matitikman ang mga kakaibang putahe ng Korean cuisine na hindi mo matatagpuan sa Seoul. Isa ring kakaibang atraksyon ng Nampo-dong ang pagkakataong makakain ng mga mamahaling sangkap tulad ng sea urchin at abalone sa murang halaga. Kung mahilig ka sa pagkain, sulit na sulitin ang iyong pagbisita at mag-uwi ng masasarap na alaala mula sa Nampo-dong.

Inirerekomenda para sa Iyo!

Asya Mga inirerekomendang artikulo

Asya Mga inirerekomendang artikulo