Ang Palawan ay isang mahaba at makitid na pulo na matatagpuan sa timog-kanlurang bahagi ng Pilipinas. Ito ang pang-limang pinakamalaking pulo sa bansa, na nasa timog ng Luzon kung saan matatagpuan ang Maynila. Sa gitna ng Palawan ay ang lungsod ng Puerto Princesa, isang kayamanan ng kalikasan na napapalibutan ng asul na dagat.
Ang Puerto Princesa Subterranean River National Park, isang World Heritage Site, ay matatagpuan sa hilagang-kanlurang bahagi ng Puerto Princesa. Sa loob ng kabundukan ng St. Paul, isang mahabang ilog sa ilalim ng lupa na mahigit 8km ang haba ay dumadaloy sa isang kweba patungo sa dagat. Tayo na at maglakbay sa Puerto Princesa Subterranean River National Park, na kilala rin bilang "huling hangganan ng Pilipinas", isang pambihirang lugar na kilala sa buong mundo.
Tungkol sa Puerto Princesa Subterranean River National Park
Ang Puerto Princesa Subterranean River ay may lapad na humigit-kumulang 120 metro, taas na 60 metro, at haba na mahigit 8 kilometro. Pinaniniwalaang ang malaking kweba ng limestone na dinadaluyan ng ilog sa ilalim ng lupa ay nabuo nang matunaw ng malakas na ulan ang limestone, na lumikha ng ilog sa ilalim ng lupa na dumadaloy patungo sa dagat.
Ang ibabang bahagi ng Puerto Princesa Subterranean River ay konektado sa dagat, at ang impluwensya ng pagtaas at pagbaba ng tubig ay lumikha ng pambihirang ecosystem na kakaiba sa lugar na ito. Bilang pagkilala sa konserbasyon ng biodiversity at pambihirang likas na kagandahan nito, ang Puerto Princesa Subterranean River National Park ay itinala bilang World Natural Heritage Site noong 1999.
Pangalan: Puerto Princesa Subterranean River National Park
Address: Sabang, Puerto Princesa Palawan Island 5300.Philippines
Opisyal na website URL: https://whc.unesco.org/en/list/652
Pagpunta sa Puerto Princesa Subterranean River National Park
Maraming airline companies ang nag-aalok ng araw-araw na byahe mula sa Ninoy Aquino International Airport sa Maynila patungong Puerto Princesa International Airport. Ang biyahe ay tumatagal ng humigit-kumulang 70 hanggang 90 minuto.
Mula sa paliparan, maaari kang sumakay ng van o bus papuntang Sabang, ang lugar kung saan ka sasakay ng bangka papunta sa Underground River. Ang biyahe ay aabutin ng 1.5 hanggang 2 oras. Maaari ka ring umarkila ng pribadong sasakyan o taxi kung gusto mo ng mas komportable at madali na biyahe. Pagdating mo sa Sabang, kailangan mong magparehistro sa tourism office at kumuha ng permit para makapasok sa Underground River. Pagkatapos, sasakay ka ng bangka papunta sa bunganga ng kweba.
https://maps.google.com/maps?ll=10.19256,118.926583&z=12&t=m&hl=ja&gl=JP&mapclient=embed&cid=2218970232896257988
Inererekomendang Puntahan ① sa Puerto Princesa Subterranean River National Park: Paglilibot sa Undregroud River
Mula nang mairehistro ito bilang isang World Heritage Site, dumami nang husto ang mga turistang bumibisita sa Puerto Princesa Subterranean River National Park. Ang Underground River Tour ay nagbibigay ng access sa humigit-kumulang 1.5km mula sa pasukan.
Sa unang pagpasok mo sa kweba sakay ng bangka ay medyo nakakakaba, ngunit habang tinatanglawan ng gumagabay ang makipot na kweba gamit ang flashlight, mamamangha ka sa isang malawak na espasyo.
Doon, isang mahiwagang mundo ang naghihintay! Nakakamanghang makita ang mga kakaibang stalactite at maglibot sa kweba kung saan nakatira ang maraming paniki.
Dahil kinakailangan ang advance entry para makabisita sa underground river, inirerekomenda ang pagsali sa isang tour. Maraming tour na kasama ang pagsundo sa hotel, pananghalian, at iba pang serbisyo bilang bahagi ng "Underground River Tour."
Inererekomendang Puntahan ② sa Puerto Princesa Subterranean River National Park: Ugong Rock Adventure
Ang "Ugong Rock Adventure" ay isa sa mga sikat na pasyalan sa Puerto Princesa, na kadalasang kasama sa Underground River Tour.
Akyatin ang bato at pagkatapos ay bumaba gamit ang zip line!
Maaari kang pumili ng iyong estilo, tulad ng Tarzan o Superman, at sikat ito dahil sa madali at nakakapanabik na karanasan.
Mga Dapat Tandaan Tungkol sa Puerto Princesa Subterranean River National Park
Sa Puerto Princesa Subterranean River National Park, kakailanganin mong ipakita ang iyong pagkakakilanlan, kaya't pakitiyak na handa ito kapag nag-aapply para sa bawat tour. Mayroon ding mga mamahaling tour na nanghihingi ng mga indibidwal na turista, kaya siguraduhing suriin ang nilalaman at presyo bago pumili ng isa. Bukod pa rito, dahil may mga kalsada na hindi sementado papunta sa Sabang, kung saan matatagpuan ang kweba, mainam na maghanda ng gamot para sa pagkahilo.
Dahil sa bahagi sa pagiging rehistrado nito bilang World Heritage Site, ang Puerto Princesa Subterranean River National Park ay naging isang sikat na destinasyon ng mga turista. Lalo na sa panahon ng tag-init sa Pilipinas mula Marso hanggang Mayo, ang oras ng paghihintay para sa isang bangka upang pumunta sa underground tour ay maaaring higit sa 3 oras! Siguraduhing suriin ang impormasyon nang maaga.
Buod ng "Puerto Princesa Subterranean River National Park" na World Heritage Site ng Pilipinas
Ang Puerto Princesa Subterranean River National Park, kilala bilang huling hangganan ng Pilipinas, ay isang World Heritage Site na nagtatampok ng isang napakalaki at natural na nabuo na kweba ng limestone at isang ilog sa ilalim ng lupa na dumadaloy patungo sa asul na dagat. Ang Puerto Princesa ay nag-aalok ng iba't ibang mga akomodasyon, mula sa mga mararangyang resort hanggang sa mga murang hotel, at isa ring paraiso para sa mga mahilig sa pagkain dahil sa kasaganaan nito ng mga sariwang pagkaing-dagat. Para sa iyong susunod na advendture sa World Heritage Site, siguraduhing bisitahin ang Puerto Princesa Subterranean River National Park.