Mga Madaling Maabot! 13 Dapat Bisitahin na Pasyalan sa Kitasenju

Ang Kitasenju, ay mayroong mga napanatili mga lumang gusali, lalo na sa kahabaan ng dating Nikko Kaido (highway) na isang estacion de koreo noong panahon ng Edo, ay isang sikat na destinasyon para sa mga turista na kilala sa kanyang makasaysayang atmospera.

Sa mga nakaraang taon, ito rin ay nakakuha ng atensyon bilang isa sa mga pinaka-ninanais na lugar na tirahan sa Tokyo dahil sa madaling abutin ang limang linya ng tren at ang relaks na atmospera ng bayan. Narito ang 13 na pasyalan sa Kita-Senju!

1. Senju-gai Machi No Eki

Kapag handa ka nang simulan ang iyong paglalakbay at pag ikot sa Senju, isa sa mga unang bagay na kakailanganin mo ay isang mapa. Bagamat maginhawa ang mga smartphone map functions, ngunit di mapapantayan ang kasiyahan sa pag-bukas ng papel na mapa at paglalakbay sa isang bagong lugar.

Dito sa Machi no Eki, makikita mo ang maraming mapa at pamphlet upang tulungan ka sa iyong paglalakbay. Orihinal na isang tindahan ng isda, ang gusaling ito ngayon ay nagsisilbing sentro ng impormasyon para sa mga turista ng Senju. Ang retro na panlabas na bahagi nito ay tiyak na nakakatawag ng pansin.

Sa isang karatulang may nakasulat na "Resting Place," ang gusali ay nag-aalok ng komportableng upuan para sa mga pagod na manlalakbay. Mayroon ding sulok ng maliliit na eksibisyon na nagtatampok ng mga lokal na atraksyon, na nagsisilbing lugar para makapag pahinga mula sa paglalakbay.

2. Arakawa

Tuklasin ang Ilog Arakawa. Ang sikat na daluyan ng tubig na ito, bagamat tila natural, ay aktwal na artipisyal na itinayo sa loob ng higit 20 taon. Matatagpuan mga 15 minutong lakad mula sa Kita-Senju Station, ang Adachi Ward Arakawa Visitor Center ay isang pasilidad para sa mga turista na nakatuon sa pagpapakita ng iba't ibang aspeto ng Ilog Arakawa. Sa mga informative panels, pinapakita ang mga insekto at mga organismo na matatagpuan sa ilog, at marami pang iba, maari mong talakayin ang kasaysayan at natural na kapaligiran ng nakakawiling daluyan ng tubig na ito. Matapos matutunan at maunawaan ang papel ng Ilog Arakawa sa komunidad, magkakaroon ka ng bagong pagpapahalaga sa lungsod. Kung bibisita ka sa Kita-Senju, siguraduhing dumaan sa Adachi Ward Arakawa Visitor Center at tuklasin ang Ilog Arakawa.

3. Senju Ohashi Bridge

Ang tanyag na pambungad na linya, "Ang mga araw ay lumilipas na mga manlalakbay ng sandaang henerasyon, at ang mga taon na lumilipas ay mga manlalakbay din..." mula sa mahalagang talaarawan ng paglalakbay ni Matsuo Basho na "Oku no Hosomichi," ay palaging kasama sa mga aklat-aralin sa wikang Hapon. Ayon sa alamat, ang mismong tulay na ito, na tumatawid sa Ilog Sumida sa Kita-Senju, ay naging simula ng epikong 150-araw na paglalakbay ni Basho sa mga rehiyon ng Tohoku at Hokuriku. Isang monumento malapit sa tulay ang nagbibigay-pugay sa makasaysayang pag-alis na ito.

Inilarawan sa sikat na "Famous Views of Edo" ni Utagawa Hiroshige, ang Senju Bridge ay may kasaysayan na nagsimula noong 1594, nang ito ay unang itinayo sa utos ni Tokugawa Ieyasu. Ito ang pinakamatandang tulay sa Ilog Sumida.

Nagkaroon ng malaking pagbabago ang tulay noong 1927, pinalitan ang kahoy na istruktura nito ng isang kaakit-akit na tulay kulay asul at may arko na gawa sa bakal. Ngayon, ang Senju Bridge ay nakatayo bilang isang pangunahing atraksyon ng turista sa Kita-Senju, na umaakit ng mga bisita mula sa malalayong lugar.

4. Yokoyama Family Residence

Mula pa noong 1855, sa panahon ng Ansei, ang Tirahan ng Pamilya Yokoyama ay isang napanatili ang bahay ng mga mangangalakal na dating nagsilbing pabrika ng papel sa Kita-Senju. Sinasabing nagbenta sila ng "Papel na Asakusa," ang toilet paper noong panahon ng Edo, sa Nihonbashi. Matatagpuan sa dating Nikko Kaido, isang masiglang estacion de koreo noong panahon ng Edo, ang makasaysayang gusaling ito ay nakaligtas sa pagsubok ng panahon, nalampasan ang mga pangunahing pangyayari tulad ng Great Kanto Earthquake at World War II. Sa kabila ng pagsasaayos noong 1936, nananatiling buo ang orihinal na arkitektura nito, na ginawa itong mahalagang kultural na yaman at isang itinalagang tangible cultural property ng Adachi Ward.

Bagamat hindi bukas sa mga bisita at turista ang loob, ang labas na bahagi naman nito ay nag-aalok ng sulyap sa nakaraan ng Japan. Ang malalim na marka ng espada sa haligi ng pasukan ay isang matinding paalala ng Ueno War noong 1868, na marka ng isang mahalagang sandali sa paglipat ng Japan mula sa Edo patungong Meiji era.

5. Ang Paglilibot sa Paggawa ng Tokyo Sushi (Tokyo Sushi-Making Tour)

Sushi, ang pangunahing pagkain ng Japan. Isang masarap na halo ng sinukaang kanin at iba't ibang sariwang sahog sa ibabaw. Hindi nakakagulat na ang "SUSHI" ay isang pandaigdigang sensasyon! Nais mo bang malaman kung paano muling gumawa ng masarap na ulam na ito sa bahay?

Tuklasin ang sining ng paggawa ng sushi sa Kita-Senju! Ang mga workshop sa paggawa ng sushi ay bukas para sa lahat, mula sa mga bata hanggang sa matatanda, lokal hanggang sa mga turista, Hapon hanggang sa mga banyaga. Sa loob lamang ng dalawang oras, maaari mong malaman ang tungkol sa etiketa, trivia ng Sushi, at kung paano gumawa ng tatlong uri ng sushi: maki (roll), nigiri (hand-pressed), at gunkan maki (boat-shaped). Walang kinakailangang kagamitan o karanasan sa pagluluto! Ang mga eksperto ay gagabay sa iyo sa proseso, na nagbibigay-daan sa iyo upang matutunan ang mga teknik ng isang dalubhasa sa paggawa ng sushi. Bakit hindi ka dumaan sa Kita-Senju at subukan ito? Walang kapantay ang kasiyahan ng pagkain ng sushi na ikaw mismo ang gumawa.

6. Senju-juku Historical Petit Terrace

Ang Senju-juku Historical Petit Terrace ay isang pasilidad para sa mga turista kung saan ay inilipat ang pagawaan ng Yokoyama family, isang tradisyunal na bahay ng mangangalakal ng paggawa ng papel na nag simula pa noong panahon ng Edo. Ito ay ginagamit din bilang tanghalan. Ang loob at labas ng clay storehouse ay naglalarawan ng bigat na alaala na nakuha sa paglipas ng maraming taon. Ang mga exhibit ay kapansin-pansin din, naging isang pasyalan kung saan maari mong pag-isipan ang kasaysayan ng Kita-Senju na umunlad noong panahon ng Edo. Ang tanawin ng mga bulaklak na namumukadkad sa lahat ng apat na panahon ay napaka-ganda rin, na ginagawa itong inirerekomendang pasyalan para sa mga nais ng mapayapang pag-aaral tungkol sa kasaysayan ng Kita-Senju.

7. Shosen-ji Temple

Ang Shosen-ji Temple ay isang templo ng Budismo sa Kita-Senju na kilala sa natatanging pulang-ladrilyo na pangunahing bulwagan, na nagbigay dito ng palayaw na "Aka-mon-ji" (Templo na may Pulang Tarangkahan). Itinatag noong 1260 sa panahon ng Kamakura, ang templo ay may kasaysayan na kinabibilangan ng mga pagbisita nina Tokugawa Hidetada at Iemitsu, ang pangalawa at pangatlong shogun ng Tokugawa shogunate. Ang kasalukuyang pangunahing bulwagan, na itinayo noong 1906, ay isang matibay na konkretong istruktura na ginaya ang mga mga templo ng Indya upang mapaglabanan ang mga madalas na pagbaha sa lugar ng Kita-Senju. Ang templo ay sikat para sa taunang "Enma-hiraki" festival, na ginaganap tuwing Enero 15 at 16, na nagtatampok ng isang malaking 1.8 na metro na rebulto ng Enma na umaakit ng maraming bisita.

8. Sekido Museum of Art

Ang Sekido Museum, na matatagpuan sa Kita-Senju, ay itinatag noong 2006 ni Senju Sato, dating presidente at tagapangulo ng Senju Metal Industry Co., Ltd. Ito ay naglalaman ng koleksyon ng mga likhang sining mula sa iba’t ibang panig ng mundo. Ang natatanging heksagonal na estruktura ng museo ay may tansong bubong sa pulang-kayumangging mga tile ng ladrilyo. Sa loob, ang museo ay ganap na mapupuntahan na may mga rampa at iba pang barrier-free na katangian, at mayroon ding cafe, "Myoko," na pinapatakbo ng mga taong may kapansanan.

Ang pangunahing koleksyon ng museo ay binubuo ng ceramics, lacquerware, at metalwork. Mula sa mga tea ceremony kettles hanggang sa lacquerware, jadeware, at bronzeware, tiyak na mabibighani ang mga bisita sa kagandahan ng mga sisidlan mula sa iba't ibang panig ng mundo. Ang museo ay mayroon ding kahanga-hangang koleksyon ng sining na pang-relihiyoso, na may partikular na pokus sa Indyan. Para sa mga nagnanais ng mas mapayapang at kultural na karanasan, ang Sekido Museum ay isang dapat bisitahin na destinasyon sa Kita-Senju. Siguraduhing maglaan ng oras at pahalagahan ang mga iskultura ng Budista ng Gandharan at sa sining ng Hindu.

9. Senju Honcho Park

Matatagpuan sa kanlurang bahagi ng Kita-Senju Station, ang Senju Honcho Shopping Street ay bahagi ng Honcho Center Shopping Street. Itinayo sa dating lugar ng isang estacion de correos noong panahon ng Edo, ito ay nagtataglay ng iba't ibang makasaysayang lugar na nakakalat. Ito ay naging popular na destinasyon para sa mga interesado sa paglalakbay ng mga makasaysayang lugar.

Gayunpaman, ito rin ay malalim na nakaugat sa lokal na komunidad at minamahal ng mga residente ng Kita-Senju. Ang isang simpleng pagbisita ay madaling maging mas mahabang pag lagi, dahil ang nostalhik na atmospera at tunay na lasa ng tradisyonal na kabayanan ay humihila sa iyo.

10. Senju Honmachi Shopping Street

Matatagpuan sa kanlurang bahagi ng Kita-Senju Station, ang Senju Honcho Shopping Street ay bahagi ng Honcho Center Shopping Street. Itinayo sa dating lugar ng isang estacion de correos noong panahon ng Edo, ito ay nagtataglay ng iba't ibang makasaysayang lugar na nakakalat. Ito ay naging popular na destinasyon para sa mga interesado sa paglalakbay ng mga makasaysayang lugar.

Gayunpaman, ito rin ay malalim na nakaugat sa lokal na komunidad at minamahal ng mga residente ng Kita-Senju. Ang isang simpleng pagbisita ay madaling maging mas mahabang pag lagi, dahil ang nostalhik na atmospera at tunay na lasa ng tradisyonal na kabayanan ay humihila sa iyo.

11. Senju Ema-ya Yoshida Family Home

Ang Yoshida Ema-ya sa Kita-Senju ay isang makasaysayang workshop na gumagawa ng mga tradisyonal na Ema boards mula pa noong panahon ng Edo. Ang gumawa, si Akiko Yoshida, ay isang Intangible Folk Cultural Property holder ng Adachi Ward at patuloy na pinapanatili ang mga tradisyonal na teknik sa paggawa ng Ema mula sa panahon ng Edo. Bagamat ang loob ng lugar ay sarado sa mga turista/bisita, ang labas ng bahagi ng gusali at ang magagandang Ema ay ipinapakita sa malapit na templo ng Choen-ji. Ito ay nag-aalok ng sulyap sa mayaman na tradisyon na ito. Kapag bumisita sa Yoshida-ya, inirerekomenda na bisitahin din ang templo ng Choen-ji.

12. Nagura Clinic

Noong unang panahon, kilala sa buong bansa bilang "Nagura ng Senju," na kilala sa pag-aalaga ng mga buto, ang Nagura Clinic sa Kitasenju ay nag-iwan ng bakas sa kasaysayan. Ang kaakit-akit na gusali nito, na itinalaga bilang tangible cultural property ng Adachi Ward, ay ngayon isang atraksyon para sa mga turista sa Kitasenju.

Ang Nagura Clinic ay nagsimula ng kanyang praktis sa pag-aayos ng mga buto sa Kitasenju noong panahon ng Edo. Sa rurok ng Taisho era, sinasabing nakakita ito ng 300 hanggang 500 pasyente bawat araw, kung saan ang mga pasyente na may mga bali at dislokasyon ay umaapaw sa lugar.

Matapos magbigay ng paggamot sa maraming tao sa Kitasenju at sa buong Japan, ang Nagura Clinic ay patuloy ang kanilang operasyon sa kasalukuyan bilang isang orthopedic clinic, kahit na nasa isang mataas na gusali malapit sa Ochanomizu.

13. Adachi Fireworks

Bagamat maraming mga fireworks festival ang naganap sa buong Japan at Tokyo, ang Adachi Fireworks na ginanap sa Kita-Senju ay partikular na popular. Ang dahilan nito ay dahil makikita mo ang mga kamangha-manghang fireworks ng malapitan. Ang tanawin ng maraming fireworks mula sa dalampasigan ng Ilog Arakawa ay tunay na kahanga-hanga!

Ang Adachi Fireworks ay nagsimula noong panahon ng Meiji. Sinasabing nagsimula ito bilang isang selebrasyon para sa pag kumpleto ng Senju Bridge sa paglulunsad ng fireworks. Ang unang "Senju Fireworks Festival" ay ginanap noong 1924. Bagamat pansamantalang sinuspinde ang pagdiriwang noong digmaan, ito ay muling nagsimula pagkatapos ng digmaan. Gayunpaman, ito ay itinigil dahil sa pagpapabuti ng ilog, ngunit sa mga masigasig na hangarin ng mga mamamayan ng Kita-Senju, ito ay muling nabuhay noong 1979 bilang "Adachi Fireworks Festival."

Minamahal ng mga tao ng Kita-Senju, ang Adachi Fireworks ay ginaganap tuwing katapusan ng Hulyo bawat taon. Kung bibisita ka sa Tokyo sa tag-init, inirerekomenda planuhin ang iyong biyahe upang tumugma sa kaganapang ito.

◎ Buod ng mga inirerekomendang pasyalan sa Kitasenju

Bagamat ang mga tanawin ng Tokyo ay tiyak na kaakit-akit, ngunit ang tahimik na paglalakbay sa isang mapayapang lugar ay maaaring maging masayang pagbabago ng iyong ritmo. Ang Kita-Senju ay isa sa mga bayan na ito, na nag-aalok ng isang mapayapang pahingahan para sa pagod na mga manlalakbay. Kung sakaling maramdaman mong labis kang naguguluhan, siguraduhin mong ikaw ay bumisita. Maari mong matutuklasan ang unti-unting pagbalik ng iyong kapayapaan.